શ્રી કચ્છી લેવા પટેલ હોસ્પિટલ અને રિસર્ચ સેન્ટર, ભુજ - કચ્છ

સમાજપ્રેમી દાતાઓએ ભુજ ખાતે હોસ્પિટલ શરુ કરવા મુકેલ વિચારને મૂતિમંત કરતાં ઈ.સ. ૧૯૯૮માં માત્ર નિદાનના હેતુથી હોસ્પિટલના પાયા નંખાયા. તેમના નામકરણ દાતા પરિવારની ઈરછાનુસાર માતૃશ્રી મેઘબાઈ પ્રેમજી જેઠા હોસ્પિટલ અને રિસર્ચ સેન્ટર, ભુજ નામાભિધાન કરાયું.

ઈ.સ. ૨૦૦૦માં ગુજરાતના મુખ્યમંત્રી કેશુભાઈ પટેલની ઉપસ્થિતિમાં દાતા કેશવલાલ પ્રેમજી ભુડીયાના હસ્તે હોસ્પિટલનું ઉદ્દઘાટન કરાયું હતું. ૧૮ વર્ષમાં પૂર્ણ સ્વરૂપ પામેલ આ હોસ્પિટલનો લાભ પ્રતિવર્ષ ત્રણેક લાખ દર્દીઓ લઈ રહ્યા છે.